2012年5月27日 星期日

令人回味的【滿福樓 Dynasty 】(米芝蓮一星)

曾經有人問夏沫點樣減肥可以減到我咁瘦?
夏沫呆了數秒,呢個問題我從來冇諗過~唔識點答~
不過都已是好多年前既事,當時真係冇乜肉地~
多年後的夏沫都有肥肉架,只係夏沫收藏得好而已~
不過夏沫好鍾意享受美食,有得食係福氣,應該好好享受每一道菜~
而且準備呢D美食係好花心機,要好好品嚐~
其實夏沫只識得保持而家既狀態,唔識點樣再瘦D~
同大家分享一下~
夏沫本身唔係太好飯類食品~少吃飯~
每一餐都只吃七成飽,只要有少少~真係輕微少少既飽夏沫就會停手~
一來唔喜歡頂住個肚既感覺,二來食太飽好易眼訓,三來要留肚食埋個甜品~呵呵~~
夏沫食野比較慢,想試真D味道,同想一想究竟點整~
專家話如果食得太快,大腦冇咁快收到飽既信息,到收到信息個陣,已經食得過飽 lu~
夏沫既小小分享 ~ 唔知大家有冇用呢?
講返今次既主角先~
話說夏沫被邀請到米芝蓮一星的滿福樓 Dynasty 試菜~
夏沫當然二話不說的答應了~ (夏沫都好為食架~^o^~)

夏沫被安排坐窗邊的位置~位置很不錯~ 樓底好高~ 好有空間感~
雖然窗外沒什麼景色可言 (工程進行中) , 但至少不至於前後左右都有人行來行去~

第一道菜 ~ 蜜汁叉燒雞肝併鹵水豬仔腳 $240
Barbecued pork, roasted chicken livers and marinated suckling pig trotters combination
鹵水豬仔腳腍~不過沒什麼彈性,鹵水味不夠
聽說滿福樓招牌菜係蜜汁叉燒, 而且嚴選食材,
蜜汁叉燒好好味啊 ~ 極之鬆化帶嚼勁 ~ 燒至表皮微焦
上桌時微暖 ~ 唔太肥唔太瘦 ~ 多少少蜜味就更加好~
感覺好似一邊叉燒有蜜汁, 一邊沒有~
肥厚雞肝滲著蜜香, 本身夏沫唔太好內臟, 不過都食左一啖, 都係覺得唔夠蜜味~
但口感可以接受~


第二道菜係湯 ~ 節瓜瑤柱鳳爪煲豬腱 $280
Double-boiled pork knuckle, chicken feet soup with dried scallops and melon瑤柱炆到好腍, 不過所有材料就咁食已經冇晒味~
精華已經全部去晒碗湯度~
夏沫喜歡唔太油, 清而濃味, 飲一啖有幾種層次~
飲得出係真材實料熬這個湯, 正~
夏沫飲左兩碗~ 整飽左自己添~ 哈哈~~
 
第三道菜係魚 ~ 避風塘鱈魚粒 $260
Deep-fried diced silver cod with spicy salt and garlic 
鱈魚粒又是夏沫心頭好, 貪其無骨
外面個層脆口, 入面個層魚肉又滑又香~
見到避風塘三個字, 以為會有辣味, 點知食落又唔覺~
如果辣番少少會更野味~
真係好好味, 夏沫食完又食, 其實食得多都有點膩~
不過真係好味, 忍唔住手食多幾舊~


第四道菜係牛 ~ 燒汁鵝肝安格斯牛柳粒 $330
Stir-fried diced angus beef tenderloin with goose liver肉炒得嫩滑, 果然係安格斯牛柳, 軟嫩可口~
細細粒易入口, 岩晒女仔~ (可以保持儀態~^^~)
鵝肝就覺得細粒左D, 食左都唔知~
已經俾燒汁蓋過晒, 夏沫還是比較喜歡有口感的鵝肝多一點~
但牛柳確是美味可口~





第五道菜 ~ 順德煎排骨 $160 
Pan-fried spare ribs " Shunde " style排骨煎得好香, 咬落仲有少許肉汁, 鎖左係排骨入面~
夏沫曾經到順德試過真正的順德排骨, 口感和今天的一樣美味~
肉質好嫩滑, 好吃到不得了~
不過夏沫已經食左七成飽, 控制自己只吃了一塊~
 
第六道菜 ~ 飽汁柚皮唐生菜 $150 
Braised Chinese lettuce with dried pomelo peels in abalone sauce
同台的桌友, 一聽到柚皮就好興奮, 佢地話柚皮好好味~
令到夏沫好奇一試
聽說製作柚皮過程繁複又困難, 要做到苦澀味盡除
試試先, 食落毫無澀味, 無渣, 好腍, 但沒什麼味道~
夏沫之前未食過柚皮, 所以不評價柚皮的部份了~
柚皮底層的唐生菜是夏沫等了一整晚的菜
之前又飲湯, 又魚又肉, 好飽, 要食 D 菜幫助消化~
清淡的唐生菜好嫩好靚, 雖然沒有什麼特別之處, 但在這個時候來, 合到好處~



第七道菜 ~ 柱侯蘿蔔牛尾撈粗麵 $80 每位
Braised noodles with ox-tail and turnip
唔~ 這個嘛~ 去到呢個地步~
夏沫已經食到七成半飽, 實在容不下這個麵~
試了兩口, 麵不算爽口彈牙, 但配上柱侯蘿蔔汁味道算可以~
試試個牛尾, 好腍啊~ 嚼起來根本不需要花力氣~
肉嫩可口~ 又再忍不住食多兩啖
蘿蔔好鮮甜~ 不錯~



第八道菜係甜品 
夏沫點了楊枝甘露 $45
Chilled Sago Cream with Mango and Grapefruit
桌友點了蛋白杏仁茶 $39
Sweetened Almond Cream with egg white
薑汁燉鮮奶 $39
Double Boiled Fresh Milk in Ginger Sauce

夏沫本身唔太好白色的食物, 所以沒有試她們的甜品~
講番楊枝甘露, 係用芒果雪糕整, 比較重奶味~
所以唔太岩夏沫口味, 而且口感較差~ 糖水佔了 98%
較為失望


以下呢張相係食之前映架, 估唔到食落個糖水麻麻地~
但總括來說, 除了柚皮同甜品, 其他都值得一試~
(大家可能會想到, 應該食剩好多野, 我們當然沒有浪費囉~
其中一個桌友帶晒返屋企作第二天的午餐呢~)
夏沫比較重視環境同服務, 五星級酒店的餐廳, 無論環境定食物都是一種享受~
算一算, 整晚的菜式大概 $1500, 三個人分, 都是 $500 一個人, 可以接受啊~
絕對會再回來~ 已經在想什麼時候帶父母來試試~^^~
夏沫由細到大都食比較濃味的食物~
可能身為上海人的爸爸也比較喜歡濃味, 所以夏沫覺得味不夠,
可能對大家來說是剛剛好啊~^^~

想了解更多米芝蓮一星的滿福樓 Dynasty Restaurant
可以打 2584 6971 查詢~
地址係灣仔港灣道1號萬麗海景酒店3樓
以上部份菜式, 菜單上係無架, 如果大家想食, 可以直接講個菜名, 就叫到架啦~
希望大家鍾意夏沫既分享啦~

這可是夏沫花了很多時間寫的食評啊~
 
love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~

2012年5月26日 星期六

女仔除左有外表, 仲要有內涵 ~【Jill Stuart】除左有公主既外表, 仲有幼滑既內涵 ... ...

女仔除左有外表, 仲要有內涵 ~【Jill Stuart】除左有公主既外表, 仲有幼滑既內涵
前兩天收到PR寄來的 Jill Stuart 粉底, 超開心呀~
其實夏沫唔係屬於公主可愛個類型, 所以一直遲遲都冇行動去買,
但係又好鬼鍾意佢既外表,
所以.........................
夏沫上個月其實已經忍唔住買左 Jill Stuart 既胭脂同打底霜~
始終都敵不過佢美麗既外表。
講返今次既主角先 ~  Jill Stuart 三月出既 New Base Makeup Items
 
Jill Stuart 既外表, 真係靚、靚、靚~
純白色的粉盒, 再配埋純白無瑕的玫瑰花吊飾, 好公主 FEEL 啊~ 絕對是可愛風呢~
夏沫至愛的, 係中央碎鑽雕刻同蔓藤花紋設計, 對它特別情有獨鍾~
夏沫選用的係103號Nude 標準膚色, 很適合夏沫啊~
 
 
睇下個成份先~有 SPF22/ PA++ 防紫外線啊~
夏沫有時會擔心用緊的防曬品不夠, 而家加埋  Jill Stuart 就放心得多了~
而且用左之後, 好似有層薄膜保護住咁, 持久度又好, 可以放心去戶外活動呢~
 
 
拎上手聞一聞, 竟然聞到水晶花香味, 實在太喜歡  Jill Stuart 了~
擁有一般女孩子都喜歡既可愛外表同香味~
 
 
夏沫第一次用 Jill Stuart 的粉, 剛打開時就是找不到粉樸, 差點以為沒有提供呢~哈哈~~
原來中間的那一層可以打開架~
 
講返佢既質地 (內涵) , 除左擁有SPF22/PA++ 之外,
仲有氨基酸粉體同礦物粉體, 減少對皮膚的負擔~
維他命 B 亞油酸 *有效防止暗啞
杏仁油 *潤澤
野玫瑰萃取液 *保濕
 
有齊晒大家都好需要既防曬啦、保濕啦、潤澤啦同防止暗啞~
究竟用上面又點呢?? 等夏沫親身試下先~
 
 
塗上薄薄的一層, 感覺好似一層好薄既保護膜, 透明感高~
似為冇什麼分別? 看一看比較圖, 原來還有些遮蓋力呢~
因為加入左微細既珍珠粉末, 令膚色明亮有光澤。
而且改善左膚色不均、毛孔同凹凸既部份, 令整個妝容透亮自然~
用了一整天, 沒有出油, 沒有緊乾既感覺, 沒有脫妝, 持久度非常好~
沒有了用半天需要補粉既情況~
 
 
夏沫用緊呢隻粉盒, 今年 3 月 1 日已經發售架啦~
有五隻色俾大家選擇~
101 Linen 明亮膚色
202 Ivory 偏紅的明亮膚色
103 Nude 標準膚色  (夏沫用緊啊~)
204 Sand 偏紅膚色
105 Tan   健康膚色
純白色粉盒 $130, Refill 既粉就 $290
想了解更多  Jill Stuart 就要去呢度睇下啦 ~ http://hk.jillstuart-beauty.com/
 
 
love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~

2012年5月13日 星期日

【TISSOT 瑞士天梭表】想擁有嗎?

【瑞士天梭表】Lady Heart Diamonds瑰麗女裝鑽石腕錶
對於夏沫來說, 『錶』是和夏沫有著密切既關係, 原於夏沫媽媽的工作都圍繞住鐘錶,
小時候會到媽媽工作的地方參觀, 看著不同的零件, 不同的設計圖, 不同的款式,
而深深明白到製作一隻錶可是需要很多人手去測試檢驗~
所以當夏沫擁有第一隻錶開始, 就錶不離身 (當然除了沖涼同訓覺)
錶讓我有了時間觀念, 也讓我想起夏沫的媽媽~適逢今天是母親節, 今日出這文章最貼切不過~
請返隻TISSOT Lady Heart Diamonds瑰麗女裝鑽石腕錶, 第一眼見到, 就覺得好易襯衫,
夏沫很喜歡帶男裝錶, 喜歡錶面夠大夠型, 而這款Lady Heart Diamonds錶面都係大表面啊~
有型得黎又帶點女性特質, 而且仲可以透過12點鐘位置的圓形視窗窺視精密的瑞士製造自動機芯
(小時候好好奇為什麼會走動, 成日想折散隻錶黎研究研究, 哈哈~~)
最重要係有完美圓形的PVD玫瑰金錶殼鑲以66顆頂級威塞爾頓的璀璨美鑽,
帶上它, 除了手指上的鑽戒閃閃發亮外,
連帶手腕都一起閃爍起來~^^~ (夏沫越大越喜歡閃閃的東西~)
仲有吸引夏沫既地方係, 錶身竟然配搭精緻鱷魚紋白色真皮錶帶, 更顯高貴~連配襯晚禮服都絕不失禮~
不過最最最重要係, 擁有 防磨損藍寶石水晶鏡面, 夏沫喜歡動作快, 經常怕弄花錶面,
自夏沫出來社會工作, 自己購錢買錶帶開始, 都一定要有防磨損鏡面~否則絕不考慮~
官方資料

售價      HKD 18,500
規格特色
l    ETA 2824-2自動機芯
l 防磨損藍寶石水晶鏡面
l PVD玫瑰金錶殼
l 錶殼鑲以66顆頂級威塞爾頓美鑽,並附有鑽石鑑定證書
l 防水深度30
l 鱷魚紋真皮錶帶配搭折疊扣環
防水深度30米??? 會有人捨得帶鑽石錶落深海嗎 ?? ^^
love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~