2013年4月20日 星期六

每天幸福小事「人生莫過於此」

每天幸福小事「人生莫過於此」
 
生活上會遇上一點點不如意~
但幸福的事讓夏沫完全忘記不快的事~ 幸福可以很簡單~
 
知道蝦子餅為了擔心不懂路的我, 花一小時來接夏沫~
知道夏沫想吃芒果涼粉, 10分鐘後就放在您面前~
知道夏沫喜歡飲富士蘋果汁, 隔一段時間, 雪櫃就會出現了~^^~
這就是幸福~
 
人生就是需要一個「他」來陪伴渡過一輩子~
謝謝上天讓我遇上「你」~ 蝦子餅
 
學會忘記....是生活的技術...
學會微笑....是生活的藝術...
學會低調....是生活的態度...

學會了...幸福就更靠近你一步了...

2013年4月17日 星期三

想曬太陽又唔想有雀班,就要常備Biore UV 全新長效保濕防曬乳

想曬太陽又唔想有雀班,就要常備Biore UV 全新長效保濕防曬乳前幾日夏沫又出動,去左Biore 既 Event
一去到已經感受到夏日既來臨
場地佈置成沙灘感覺,新產品更放在模擬的沙灘仔上,好有心思!



今次真係要讚下大會既細心,為大家準備了飲品同美食,
數量仲唔少添,夏沫去好多活動都未必有咁多野食,
而且仲係質素唔錯架,不過夏沫掛住傾計,無食到>_<
姊妹們話好好味架

Biore 旗下其實好多防曬產品,切合大家唔同既需要,
而今次要介紹既係一直係日本同台灣都大受歡迎既Biore UV
以前個個去日本同台灣, Biore UV 都係必買品
Biore 更加係空姐界中,大力推薦既防曬產品

Biore 應徇眾要求,將革命性的防曬新體驗帶到香港
讓更多人可以親身感受到嶄新及日本 No.1 的防曬威力

活動中,大會搵左另外兩支防曬黎做比較
分別係防曬 A 同防曬 B,而 C 就係 Biore圖中的黑色版示範質地
如果由上而下掃一下,越透明就越透薄
結果只有 Biore 是透明的



下一個示範真的把夏沫嚇到了
用一張面油紙,分別在面油紙上塗防曬品,並轉10個圈
轉完之後發現防曬 A 同防曬 B 都勁油,好驚呀〜〜〜〜夏沫原本係用其中一支架
反轉張面油紙仲過晒底,好恐怖呀,唔怪得每次用左之後痴立立,沖涼又沖極都唔乾淨
夏沫真係唔敢再用,返到屋企即刻掉晒佢地

實驗證明左Biore UV 長效保濕防曬乳係質地最清爽透薄


最後, 大會安排左 DIY 俾一眾 Blogger 玩~
只需要三條橡根, 加一件衫,
首先反轉件衫, 將手袖同領口扎起~
之後左下方左右兩邊分別剪手抽位~
剪完再反轉件衫就大功告成啦~得左~



支防曨咁好用, 岩晒戶外活動~
前排成日落雨,星期日終於等到太陽伯伯出黎
緊係要去同陽光玩遊戲夏沫約左一大班朋友去行山
仲帶埋支Biore UV 全新長效保濕防曬乳 出發~

係烈日當空下, 皮膚水份會極速流失, 而Biore UV 全新長效保濕防曬乳獨有水感凝體技術,
可以係肌膚表層形成一層保水膜, 能有效釋放大量水分子, 減少日曬造成既傷害
全新系列更加入透明質酸及綜合柑桔精華, 雙重提升保濕鎖水功效。
大家可能會問, 佢既防曬系數究竟係幾多呢??
Biore UV 全新長效保濕防曬乳 寬波段, 有效隔離 UVA/UVB
SPF50+能長效隔離 UVB, 防止曬紅同曬傷
仲有 PA+++有效對抗老化, 及預防 UVA 所引起既色斑、皺紋

行左幾粒鐘要補防曬, 身邊朋友個個都問我借黎用~
個個用完都話清爽又唔油~
唔洗 $100 蚊就有一支, 真係好抵~
最重要係面同身都搽得, 好方便~
大家快 D 買黎試下啦~^^~
多謝您花時間黎睇呀~覺得好既朋友, 推薦一下, 支持下~感激~
聯絡夏沫可電郵至
love.cath@yahoo.com.hk

或 Facebook 找我~
Facebook ~ http://www.facebook.com/cath.lovecath
Fans Page ~ www.facebook.com/lovecathcath

其他分享平台
Blog ~
http://cathcath.theztyle.com/   (主要)
http://lovecath.blogspot.com/
http://blog.yahoo.com/summercath
http://www.blog.she.com/lovecath
http://www.fnb.hk/blog/25150
http://blogazine.beautyexchange.com.hk/?140958
http://blog.qooza.hk/LoveCathCath
http://blogs.elle.com.hk/LoveCath/
http://www.ubeauty.com.hk/member_blog/lovecath
http://www.saladblog.com.hk/blog/lovecath

令人回味的【滿福樓 Dynasty 】(米芝蓮一星)

令人回味的【滿福樓 Dynasty 】(米芝蓮一星)
曾經有人問夏沫點樣減肥可以減到我咁瘦?
夏沫呆了數秒,呢個問題我從來冇諗過~唔識點答~
不過都已是好多年前既事,當時真係冇乜肉地~
多年後的夏沫都有肥肉架,只係夏沫收藏得好而已~
 
不過夏沫好鍾意享受美食,有得食係福氣,應該好好享受每一道菜~
而且準備呢D美食係好花心機,要好好品嚐~
 
其實夏沫只識得保持而家既狀態,唔識點樣再瘦D~
同大家分享一下~
 
夏沫本身唔係太好飯類食品~少吃飯~
每一餐都只吃七成飽,只要有少少~真係輕微少少既飽夏沫就會停手~
一來唔喜歡頂住個肚既感覺,二來食太飽好易眼訓,三來要留肚食埋個甜品~呵呵~~
夏沫食野比較慢,想試真D味道,同想一想究竟點整~
專家話如果食得太快,大腦冇咁快收到飽既信息,到收到信息個陣,已經食得過飽 lu~
夏沫既小小分享 ~ 唔知大家有冇用呢?
 
講返今次既主角先~
話說夏沫被邀請到米芝蓮一星的滿福樓 Dynasty 試菜~
夏沫當然二話不說的答應了~ (夏沫都好為食架~^o^~)
 
 
夏沫被安排坐窗邊的位置~位置很不錯~ 樓底好高~ 好有空間感~
雖然窗外沒什麼景色可言 (工程進行中) , 但至少不至於前後左右都有人行來行去~
 
 
第一道菜 ~ 蜜汁叉燒雞肝併鹵水豬仔腳 $240
Barbecued pork, roasted chicken livers and marinated suckling pig trotters combination
鹵水豬仔腳腍~不過沒什麼彈性,鹵水味不夠
聽說滿福樓招牌菜係蜜汁叉燒, 而且嚴選食材,
蜜汁叉燒好好味啊 ~ 極之鬆化帶嚼勁 ~ 燒至表皮微焦
上桌時微暖 ~ 唔太肥唔太瘦 ~ 多少少蜜味就更加好~
感覺好似一邊叉燒有蜜汁, 一邊沒有~
肥厚雞肝滲著蜜香, 本身夏沫唔太好內臟, 不過都食左一啖, 都係覺得唔夠蜜味~
但口感可以接受~
 
 
第二道菜係湯 ~ 節瓜瑤柱鳳爪煲豬腱 $280
Double-boiled pork knuckle, chicken feet soup with dried scallops and melon
瑤柱炆到好腍, 不過所有材料就咁食已經冇晒味~
精華已經全部去晒碗湯度~
夏沫喜歡唔太油, 清而濃味, 飲一啖有幾種層次~
飲得出係真材實料熬這個湯, 正~
夏沫飲左兩碗~ 整飽左自己添~ 哈哈~~
 
 
第三道菜係魚 ~ 避風塘鱈魚粒 $260
Deep-fried diced silver cod with spicy salt and garlic 
鱈魚粒又是夏沫心頭好, 貪其無骨
外面個層脆口, 入面個層魚肉又滑又香~
見到避風塘三個字, 以為會有辣味, 點知食落又唔覺~
如果辣番少少會更野味~
真係好好味, 夏沫食完又食, 其實食得多都有點膩~
不過真係好味, 忍唔住手食多幾舊~
 
第四道菜係牛 ~ 燒汁鵝肝安格斯牛柳粒 $330
Stir-fried diced angus beef tenderloin with goose liver
肉炒得嫩滑, 果然係安格斯牛柳, 軟嫩可口~
細細粒易入口, 岩晒女仔~ (可以保持儀態~^^~)
鵝肝就覺得細粒左D, 食左都唔知~
已經俾燒汁蓋過晒, 夏沫還是比較喜歡有口感的鵝肝多一點~
但牛柳確是美味可口~
 
 
第五道菜 ~ 順德煎排骨 $160 
Pan-fried spare ribs " Shunde " style
排骨煎得好香, 咬落仲有少許肉汁, 鎖左係排骨入面~
夏沫曾經到順德試過真正的順德排骨, 口感和今天的一樣美味~
肉質好嫩滑, 好吃到不得了~
不過夏沫已經食左七成飽, 控制自己只吃了一塊~
 
 
第六道菜 ~ 飽汁柚皮唐生菜 $150 
Braised Chinese lettuce with dried pomelo peels in abalone sauce
同台的桌友, 一聽到柚皮就好興奮, 佢地話柚皮好好味~
令到夏沫好奇一試
聽說製作柚皮過程繁複又困難, 要做到苦澀味盡除
試試先, 食落毫無澀味, 無渣, 好腍, 但沒什麼味道~
 
夏沫之前未食過柚皮, 所以不評價柚皮的部份了~
柚皮底層的唐生菜是夏沫等了一整晚的菜
之前又飲湯, 又魚又肉, 好飽, 要食 D 菜幫助消化~
清淡的唐生菜好嫩好靚, 雖然沒有什麼特別之處, 但在這個時候來, 合到好處~
 
 
第七道菜 ~ 柱侯蘿蔔牛尾撈粗麵 $80 每位
Braised noodles with ox-tail and turnip
唔~ 這個嘛~ 去到呢個地步~
夏沫已經食到七成半飽, 實在容不下這個麵~
試了兩口, 麵不算爽口彈牙, 但配上柱侯蘿蔔汁味道算可以~
試試個牛尾, 好腍啊~ 嚼起來根本不需要花力氣~
肉嫩可口~ 又再忍不住食多兩啖
蘿蔔好鮮甜~ 不錯~
 
 
 
第八道菜係甜品 
夏沫點了楊枝甘露 $45
Chilled Sago Cream with Mango and Grapefruit
桌友點了蛋白杏仁茶 $39
Sweetened Almond Cream with egg white
薑汁燉鮮奶 $39
Double Boiled Fresh Milk in Ginger Sauce
 
夏沫本身唔太好白色的食物, 所以沒有試她們的甜品~
講番楊枝甘露, 係用芒果雪糕整, 比較重奶味~
所以唔太岩夏沫口味, 而且口感較差~ 糖水佔了 98%
較為失望
 
 
以下呢張相係食之前映架, 估唔到食落個糖水麻麻地~
但總括來說, 除了柚皮同甜品, 其他都值得一試~
 
(大家可能會想到, 應該食剩好多野, 我們當然沒有浪費囉~其中一個桌友帶晒返屋企作第二天的午餐呢~)
 
夏沫比較重視環境同服務, 五星級酒店的餐廳, 無論環境定食物都是一種享受~
算一算, 整晚的菜式大概 $1500, 三個人分, 都是 $500 一個人, 可以接受啊~
絕對會再回來~ 已經在想什麼時候帶父母來試試~^^~
 
夏沫由細到大都食比較濃味的食物~
可能身為上海人的爸爸也比較喜歡濃味, 所以夏沫覺得味不夠,
可能對大家來說是剛剛好啊~^^~
 
 
想了解更多米芝蓮一星的滿福樓 Dynasty Restaurant
可以打 2584 6971 begin_of_the_skype_highlighting 2584 6971 免費  end_of_the_skype_highlighting 查詢~
地址係灣仔港灣道1號萬麗海景酒店3樓
 
以上部份菜式, 菜單上係無架, 如果大家想食, 可以直接講個菜名, 就叫到架啦~
希望大家鍾意夏沫既分享啦~
這可是夏沫花了很多時間寫的食評啊~
 
多謝您花時間黎睇呀~覺得好既朋友, 推薦一下, 支持下~感激~
聯絡夏沫可電郵至
love.cath@yahoo.com.hk
或 Facebook 找我~
Facebook ~ http://www.facebook.com/cath.lovecath

2013年4月16日 星期二

超 RELAX 同享受既星期六~ ^O^ ~

超 RELAX 同享受既星期六~ ^O^ ~

今日同朋友一早去左打羽毛球, 出左一身汗之後, 沖個熱水涼~爽呀~爽到不得了~
好想個個星期都打呀~希望可以 KEEP 到一樣定期運動~
沖完涼, 揸車入左黃金海岸食 LUNCH ~
WOO~~ 環境優美~ 我地選左一間地中海餐廳坐低左~
好好彩有 WINDOW SEAT ~ 望住咁休閒既境, 牆外時不時有些肥DO DO 既小朋友走過,
超可愛得意~再聽埋好舒服既純音樂, 係微微冷氣既地方享用午餐~
真係好享受啊~
雖然 D 野食唔係碟碟都真係值呢個價, 不過都不過不失啦~
四個人食左 $400 幾~ OK啦~ 最重要係心情~ 今日過左一個超 RELAX 同享受既星期六~ ^O^ ~

2013年4月13日 星期六

女仔除左有外表, 仲要有內涵 ~【Jill Stuart】除左有公主既外表, 仲有幼滑既內涵

女仔除左有外表, 仲要有內涵 ~【Jill Stuart】除左有公主既外表, 仲有幼滑既內涵
前兩天收到PR寄來的 Jill Stuart 粉底, 超開心呀~
其實夏沫唔係屬於公主可愛個類型, 所以一直遲遲都冇行動去買,
但係又好鬼鍾意佢既外表,
所以.........................
夏沫上個月其實已經忍唔住買左 Jill Stuart 既胭脂同打底霜~
始終都敵不過佢美麗既外表。
講返今次既主角先 ~  Jill Stuart 三月出既 New Base Makeup Items

 
Jill Stuart 既外表, 真係靚、靚、靚~
純白色的粉盒, 再配埋純白無瑕的玫瑰花吊飾, 好公主 FEEL 啊~ 絕對是可愛風呢~
夏沫至愛的, 係中央碎鑽雕刻同蔓藤花紋設計, 對它特別情有獨鍾~
夏沫選用的係103號Nude 標準膚色, 很適合夏沫啊~
 
 
睇下個成份先~有 SPF22/ PA++ 防紫外線啊~
夏沫有時會擔心用緊的防曬品不夠, 而家加埋  Jill Stuart 就放心得多了~
而且用左之後, 好似有層薄膜保護住咁, 持久度又好, 可以放心去戶外活動呢~
 
 
拎上手聞一聞, 竟然聞到水晶花香味, 實在太喜歡  Jill Stuart 了~
擁有一般女孩子都喜歡既可愛外表同香味~
 
 
夏沫第一次用 Jill Stuart 的粉, 剛打開時就是找不到粉樸, 差點以為沒有提供呢~哈哈~~
原來中間的那一層可以打開架~
 
講返佢既質地 (內涵) , 除左擁有SPF22/PA++ 之外,
仲有氨基酸粉體同礦物粉體, 減少對皮膚的負擔~
維他命 B 亞油酸 *有效防止暗啞
杏仁油 *潤澤
野玫瑰萃取液 *保濕
 
有齊晒大家都好需要既防曬啦、保濕啦、潤澤啦同防止暗啞~
究竟用上面又點呢?? 等夏沫親身試下先~
 
 
塗上薄薄的一層, 感覺好似一層好薄既保護膜, 透明感高~
似為冇什麼分別? 看一看比較圖, 原來還有些遮蓋力呢~
因為加入左微細既珍珠粉末, 令膚色明亮有光澤。
而且改善左膚色不均、毛孔同凹凸既部份, 令整個妝容透亮自然~
用了一整天, 沒有出油, 沒有緊乾既感覺, 沒有脫妝, 持久度非常好~
沒有了用半天需要補粉既情況~
 
 
夏沫用緊呢隻粉盒, 今年 3 月 1 日已經發售架啦~
有五隻色俾大家選擇~
101 Linen 明亮膚色
202 Ivory 偏紅的明亮膚色
103 Nude 標準膚色  (夏沫用緊啊~)
204 Sand 偏紅膚色
105 Tan   健康膚色
純白色粉盒 $130, Refill 既粉就 $290
想了解更多  Jill Stuart 就要去呢度睇下啦 ~ http://hk.jillstuart-beauty.com/
 
 
love.cath@yahoo.com.hk 歡迎電郵查詢~^^~
多謝您花時間黎睇呀~覺得好既朋友, 推薦一下, 支持下~感激~

2013年4月11日 星期四

兩小時的快樂~

兩小時的快樂~
 
夏沫突然在想, 一早七時多起床上班, 晚上七至八時才下班, 回到家已經九時多, 還沒吃飯~
扣除吃飯(街外吃)及洗澡, 已經晚上十一時, 夏沫一般都接近一時多才去睡,
所以, 完完全全屬於夏沫的時間, 就只有兩小時, 這兩小時要如何運用才沒浪費呢?
 
為何夏沫突然有此想法?
最近身邊有一位友人的同事, 為了一點工作上的小事情而生氣, 她為了避免跟夏沫的友人有任何聯繫,
竟然一整天沒跟友人對話, 可是她們工作上可時息息相關的,
友人沒理會這位同事, 就這樣, 這位同事就足足生氣了一整個星期~
夏沫就在想, 一天就只有兩小時的快樂屬於自己, 假如連工作上的十小時都不快樂~值得嗎?
為了一個只在工作上才碰面的同事, 而苦了自己, 值得嗎?
事情過去了, 就過去了, 解決了就沒事, 工作上的事, 過於執著, 只會苦了自己。
 
從前的夏沫, 也很喜歡將工作的情緒帶回家中~
其實是苦了自己之餘, 也苦了身邊的你及家人~
夏沫長大了, 看開了, 脾氣自然也消了~
 
您們又有多少時間是屬於自己? 如何好好享受這個時光?
一起分享一下吧~

2013年4月10日 星期三

驚豔唇色 。唯有 Dior Addict LIps Gloss

驚豔唇色 。唯有 Dior Addict LIps Gloss
夏沫真係好開心可以出席Dior 既活動

感激邀請夏沫的 PR 及特別鳴謝介紹夏沫的朋友仔

點解夏沫咁開心?係因為一直都很喜愛Dior 既唇彩同指甲油
今次有幸率先試用 Dior 最新出的唇彩、唇膏及指甲油,真係好開心

從前夏沫是一個不沾任何化妝品的女生~
到今天, 夏沫覺得只需添上唇彩, 面色都精神起來~



今次 Dior 隆重推出特別 4 色
分別係

Sping Ball 春日舞會造型
Diablotime 致命誘惑造型
Princess 高貴公主造型
Delice 甜美可人造型


而夏沫最鍾意就係 Princess 高貴公主造型清清地, 最岩配自然妝容~

如果呢 4 款都唔岩你心水, 可以有更多選擇架~
其實一共有 24 隻色
其中 12 款帶有閃爍效果, 6 款帶有珠光效果, 仲有 6 款係純色效果, 更有一款岩您心水


Dior 仲新出左配襯呢 4 隻新色唇彩既指甲油
夏沫好心急試色呢~


睇睇現場報導, 24 色唇彩盡現眼前~
下面呢 4 支就係新出 4 色啦~

Sping Ball 春日舞會造型
Diablotime 致命誘惑造型
Princess 高貴公主造型
Delice 甜美可人造型


呢 4 隻色, 除左唇彩、指甲油仲有唇膏架~
兩隻唔同系列既唇膏加唇彩, 會混出不一樣的色調啊~

夏沫親身示範~同系列色的唇膏加唇彩效果~
試左 2 隻色

Princess 高貴公主造型


Diablotime 致命誘惑造型


終於到左試指甲油啦~
得 4 隻色, 有 10 隻手指喎~ 點決擇好呢??
夏沫一於試晒上手~呵呵~~


Dior Addict 指甲油真係好靚, 而且極快就乾左~
當日試色, 夏沫唔記得搽底油, 諗住擔心隻色唔出~
點知直接搽上去, 都一樣咁「令」身~
而且最後搽埋 Dior 啫喱面油, 唔洗 3 分鐘就乾左~
美容顧問介紹話, 隻面油加甲油, 會有化學作用, 會快乾D架~

夏沫搽左幾日都冇甩色或花, 好持久~
好想買晒返黎~^^~


活動後, 夏沫參加左 Dior Addict Lipstick 活動~
大家快到以下網址投夏沫一票, 您既一票好重要http://goo.gl/kz4YW
謝謝支持~

多謝您花時間黎睇呀~覺得好既朋友, 推薦一下, 支持下~感激~
聯絡夏沫可電郵至
love.cath@yahoo.com.hk
或 Facebook 找我~
Facebook ~ http://www.facebook.com/cath.lovecath

2013年4月9日 星期二

幸福的感覺可以很平凡

幸福的感覺可以很平凡
今日特別感覺幸福, 今天不是什麼大時大節, 也不是什麼紀念日~但其實幸福可以好簡單~
最近聽了身邊好多朋友的故事, 有些在準備結婚, 但卻整天為婚事爭執, 有些已結婚, 卻無言相對~
有些結婚不到一年就鬧離婚, 有些離完一次又一次, 有些女的水性楊花, 男的卻被朦在鼓裡
對著我的蝦子餅, 靜靜地看著他, 已感覺滿滿的幸福~
我們很少爭執, 我們會久不久給對方一點小心思~互相尊重大家所重視的事情~
而剛巧我們重視的事情又剛剛不同, 所以都可以互相千就~
 
互相尊重真的很重要~
相處的方式令人很舒服自在~就已經足夠~幸福就是這樣簡單~
只要你要求的不多~幸福就永遠在你身邊~
 
朋友說, 到你著手辦理結婚的事情時, 你便會知道~
其實已開始了一半, 暫時都冇嘈過, 希望之後都唔會因為結婚而嘈啦~

2013年4月5日 星期五

至愛深層清潔~冰河泥~Nu Skin

至愛深層清潔~冰河泥~Nu Skin

趁住新年假期, 等 D 皮膚都休息下~夏沬要為皮膚做個至愛既深層清潔~
 
呢支係係 Nu Skin 買既潔膚冰河泥, 係用黎深層清潔肌膚最底層, 如果你感覺到想生豆豆時, 只要用下佢, 咩污衊野都會走出黎, 豆豆就冇咁易生架啦~不過因為係深層清潔, 夏沬建議大家先用個保濕 mask 敷一敷先好用, 因為抽污衊野既同時, 都會抽走少少水份, 如果您本身皮膚比較乾, 就一定要敷mask 先~
 
一支可以用好鬼耐, 所以好抵用~唔可以做太密, 最盡一星期一次好啦~睇到 D 相, 你會見到好快就乾, 最快乾既地方, 代表個個部份皮膚都特別乾, 咁平時就要加倍保濕啦~
 
個程序係, 先洗面, 之後敷個保濕MASK, 之後用冰河泥搽滿全面, 你亦可以只搽有需要既部份, 之後等佢乾, 大約 5-10 分鐘左右, 一般都乾晒, 要視乎你本身皮膚乾唔乾, 之後你會見到有裂痕, 唔洗擔心, 因為應該同時都感覺到猛猛緊, 等到乾晒會變左淺綠色, 咁你就可以去洗面架啦~皮膚即時乾淨晒~之後你就搽返平時既護膚品就可以架啦~
 
 
多謝您花時間黎睇呀~覺得好既朋友, 推薦一下, 支持下~感激~
聯絡夏沫可電郵至
love.cath@yahoo.com.hk
 
或 Facebook 找我~