2014年9月3日 星期三

♥ 火煱 ♥ 鮮味無窮之大邊爐火煱店

♥ 火煱 ♥ 鮮味無窮之大邊爐火煱店
夏沫一向好鍾意食火鍋, 貪其不用想太多, 就有得吃
但講到食落肚, 當然要選間真材實料的火煱店, 聽聞九龍城多美食
今次就殺入九龍城, 選了這間「大邊爐火煱店」個名好搞笑~
正門不太起眼, 但上層環境舒適, 枱與枱之間有一段距離,
雖然打便爐一定會有火鍋味圍繞, 但相隔遠左, 空間多左, 都坐得舒適點
因為訂左枱, 老闆很好地為我留了張最入最大的枱
雖然枱數不多, 但其實入面還有獨立房間, 想有更多私人空間, 可以選擇房間啊~  
  
我們左選右選後, 點了鴛鴦火鍋湯底, 冬瓜鮮雞湯底加麻辣湯底,
夏沫少吃麻辣, 主攻冬瓜鮮雞湯底, 用料十足的湯底, 鮮雞味濃,
湯底上盛自然都令主菜襟上添花 
 友人特別叫了個大椰青, 又凍又大個, 友人大讚椰青水好清甜, 飲吹一晚都未飲晒~
仲有勁厚身的椰子肉, 好鬼正~ 
平時食火鍋未必次次吃海鮮, 但老闆推介海鮮隻隻活生生, 即叫即劏, 相當吸引
就叫了四份聖子蝗, 超甜美彈牙呀~真是好味到不得了~
灼大概10秒就食得, 大大條原條聖子蝗入口, 爽到震, 沒點任何醬汁, 真正感受其鮮味, 勁滿足呀
 
老闆還推介肉眼邊肥牛, 即刻試試先~
想不到厚切肥牛都可以如此滑溜, 又滑又香牛味, 入口細滑, 厚切有口感
這麼大碟, 價錢亦非常抵, 我們忍不住叫完又叫~
連平時少吃肉的夏沫都忍不到食完又食, 哈哈~~ 
 超甜粟米~好好味
今次第一次試皇帝菜, 原來咁好味~
不過這種菜好特別, 需要灼耐少少先食得,
夏沫很喜歡這個似唐蒿的味道, 而且更好味
我們還點了四色餃子, 粒粒真材實料, 大大粒好有口感, 餃子內有不同質感的食材,
啖啖爽、鮮、甜, 食多幾粒都唔厭
 雜菇沒什麼特別~ 
打便爐一定會叫的, 還有響玲, 「大邊爐火煱店」將它改名為「三秒腐皮」
新鮮炸起的, 三秒吸盡鮮雞湯味, 食落美味無窮
友人喜歡吃芋頭就特別點來吃, 夏沫就吃金薯, 好甜呢~
另外我們也點了四寶丸, 有牛、豬、蝦、墨魚丸
夏沫最愛是蝦丸同墨魚丸, 好彈牙
說到服務, 位位服務員都帶著親切笑容,
現在好多餐廳員工都得過且過, 但「大邊爐火鍋店」的員工笑容
是感覺得到他們做得開心, 連食客都感受得到
坐左成晚, 從未要求過加湯, 因為服務員會在適當時候加湯, 服務一流
實在令人食得好安心又舒適, 夏沫更喜歡這裡環境靜靜地, 不像其他的嘈吵火鍋店
夏沫已打算再來吃, 慶祝媽咪生日先得~^^~
 
話說很快夏沫就去食第二次, 同媽咪預祝生日同中秋團圓飯
今次我們坐房間, 就比較少服務員進來
第二次點了安格斯牛, 想不到牛味比肉眼邊肥牛更美味, 而且口感更滑
家人都大叫好味~
今次再點四色餃子, 才真正試齊四款口味, 有莧菜帶子餃、鮮蝦水餃、西洋菜瑤柱餃、素菜餃, 粒粒包到滿滿的~連極少讚揚的蝦子餅都說用料十足, 我們又叫了兩ROUND
蝦子餅喜歡吃炸魚皮, 今次就點來試試, 是椒鹽味炸魚皮啊~
送酒一流呢~就算不灼就咁食都好正~
 
 新鮮爽甜油麥菜
雖然「大邊爐火煱店」款式不算多, 但食物質素好味, 自然叫多幾ROUND都OK~
不想最想不到是竟然有甜品吃, 上次來都沒有點呢~
夏沫最最最最喜歡朱古力, 所以點了黑樹皮, 超濃朱古力味, 好鬼正~
不過順帶一提, 甜品是從另一甜品店送來, 職員對於甜品是用什麼而製成就未必熟悉
但也會幫客人查明清楚啊~
其實夏沫是第一次打完便爐食甜品, 有下下火作用, 又唔錯啊~ 
大家不防也來「大邊爐火煱店」試試, 諗起又想再食添~^^~
地址 : 九龍城城南道12號
訂座電話 : 2718 6000
 
謝謝大家來看LoveCath夏沫的文章啊~^^~
您們的每一次閱讀都是支持夏沫的原動力啊~
覺得好既朋友, 推薦一下, 支持下~謝謝啊~^^~
Catherine (LoveCath夏沫),
電郵 love.cath@yahoo.com.hk
Fans Page ~ www.facebook.com/lovecathcath
分享平台 Blog
http://cathcath.theztyle.com/   (主要)
http://lovecath.blogspot.com/
http://blog.she.com/lovecath/
http://blogazine.beautyexchange.com.hk/?140958
http://www.fnb.hk/blog/25150
http://itrial.hk/person.php?uid=7790
http://beauty.qooza.hk/u/LoveCathCath
http://www.beautylife.hk/?76979
http://lovecath.pixnet.net 
http://blogs.elle.com.hk/LoveCath/
http://www.ubeauty.com.hk/member_blog/lovecath
http://www.openrice.com/restaurant/userinfo.htm?userid=758718

沒有留言:

張貼留言

Beauty Blogger ~ 自小愛寫作愛紀錄, 喜歡將一切美好事物紀錄下來, 與眾同樂。
自成為 Blogger 後, 由一名從不照鏡的男仔頭, 轉變為今天的夏沫~
喜愛參與各大活動, 喜歡欣賞各大品牌的悉心佈置多於一切~
喜歡設計的我, 喜歡有特式的衣著配搭, 舒適有個性為主要選擇~
少食多餐是夏沫的宗旨, 可以留QUOTA試盡天下美食~^^~
夢想環遊世界, 將旅遊經歷一一紀錄 ~ 遊歷超過十多個國家仍未達理想 ~
希望可以在每個國家住最少一個月感受當地文化
雙子座的世界, 實在太多東西想試想做想見識~
就在這裡同大家分享夏沫的一切經歷~
歡迎邀稿 love.cath@yahoo.com.hk