2016年1月22日 星期五

海鮮 ♥ 非一般的西餐大排檔。中西融合特色菜 (Eddy Chu 出品)

海鮮 ♥ 非一般的西餐大排檔。中西融合特色菜 (Eddy Chu 出品)
西餐大排檔已經是第二次食了
上一次在尖沙咀試過,覺得很不錯, 所以今次就和同事來他們在銅鑼灣新開的分店

銅鑼灣的分店設計跟尖沙咀的大有不同
設計比較簡約一點,也沒有落地玻璃, 但柔和色調卻讓人感覺舒適放鬆

聽主廚介紹,銅鑼灣跟尖沙咀唯一不同的是,這裏有礦泉水火鍋,所以我們也要品嚐一下,我們點的是二人份量的,所以煲子比較小,店員細心地將食物排次序,示意我們跟次序吃

首先吃到的鮮蝦,鮮蝦非常新鮮彈牙, 沒有雪藏味道,由於湯底是礦泉水
所以可以吃得出鮮蝦的真正味道, 還有日本北海道帶子、加洲驢的鮮魚柳、
西班牙黑毛豬、美國牛肉、煙韌日本年糕
不過吃這個火鍋的精髓在於那個特製的海鹽, 點一下再吃帶出無窮鮮味
一開始是湯底就是礦泉水味, 到最後再喝一口湯, 就是一個字「鮮」
不過鮮味不濃, 畢竟材料不算多, 時間也不算長, 自然未出夠味~

每次必喝的「黑松露蘑菇湯」, 啖啖蘑菇粒伴隨黑松露香氣~
味道剛剛好, 喝完絕對有胃口再吃美食~
夏沫非常喜歡這湯, 如果黑松露再多點會更美味~^^~

「西班牙48個月橡樹果級別黑毛豬風乾腿」黑毛豬風乾腿帶有咸香及果香
先放一片進中感受味道, 邊吃邊感覺到橡樹果香,
一口黑毛豬風乾腿後, 來件清新菠蘿清清口腔, 再來第二片~
這種吃法最適合喜歡又咸又甜的我~^^~

「焗法國連殼食田螺」點的時候沒留意可連殼吃這個字眼
所以當吃之前就感到很驚訝~竟然可節省最出田螺的功夫, 實在太岩懶人吃啦~哈哈~~
其實是最岩女仔食, 細細件一啖一件, 好滋味~
外殼焗到又薄又脆, 好好味, 反而田螺焗熟後沒有了彈牙感, 不太用咀嚼就可吞下
別忘了旁邊的薯蓉, 吸晒田螺精華的薯蓉, 好味~

「艾迪BB鴿」皮脆肉嫩, 而且皮非常之薄, 油份又剛剛好, 不會啖啖油, 多餘的油份已迫出
餘下的正是恰到好處的鴿油香, 一點也不油膩, 肉質非常嫩滑, 也是必點之選

「黑松露日本年糕」黑松露、黑松露、黑松露、年糕、年糕、年糕都是夏沫最愛
是西餐大排檔得奬作品黎架~一定要吃~哈哈~
日本年糕既軟既煙韌, 薄薄的一片, 每片都吸收了香濃的黑松露香味
真係好味到不得了, 奈何要同友人 Share, 真的很想獨食, 哈哈~~
所以覺得份量太少了, 哈哈~~推薦~推薦~

日本磯煮鮑魚, 都好大隻, 冰鎮出場, 口感爽口彈牙, 鮮味無窮

「香蒜牛油燒大蝦」肉厚鮮甜, 而且充滿牛油香味, 彈牙有口感

「燒西班牙黑毛豬肋肉條」平時很怕吃豬, 好怕吃到「鞋」豬肉,
但這碟「豬肋條」又出奇的軟滑, 味道很不錯, 爽口不腻
旁邊還有新鮮菠蘿伴著吃

喜歡「黑牛」的我見到餐牌有, 當然即刻點返杯

日本直接入口的「日本原隻菠蘿雪芭」平時食薄餅無菠蘿不歡, 自然也熱愛菠蘿味雪芭

細細個真係好可愛, 味道非常之清新, 好喜歡, 幾飽都要食的甜點

謝謝大家來看LoveCath夏沫的文章啊~^^~
Catherine (LoveCath夏沫),
電郵 love.cath@yahoo.com.hk
Facebook ~ http://www.facebook.com/cath.lovecath
Fans Page ~ http://www.facebook.com/lovecathcath

分享平台 Blog
http://cathcath.theztyle.com/ (主要)
http://lovecath.blogspot.com/
http://blog.she.com/lovecath/
http://blogazine.beautyexchange.com.hk/?140958
http://itrial.hk/person.php?uid=7790
http://beauty.qooza.hk/u/LoveCathCath
http://blogs.elle.com.hk/LoveCath/
http://www.ubeauty.com.hk/member_blog/lovecath
http://www.weshare.hk/lovecath
http://lovecath.pixnet.net
http://www.lovecathcatherine.tumblr.com
http://www.openrice.com/restaurant/userinfo.htm?userid=758718

LoveCath 夏沫



2016年1月18日 星期一

溫馨甜聚 ♥ 週年慶祝 Yours Milano 中級價錢高級享受滋味意大利菜

溫馨甜聚 ♥ 週年慶祝 Yours Milano 中級價錢高級享受 ~ 滋味意大利菜
轉眼間就做了陳太 3 年了, 這 3 年間打打鬧鬧又一年, 哈哈~~~
我們每天都傻傻地渡過每一天
昨晚無聊問您, 當日求婚, 您說驚左幾日, 我打趣地問好驚咩~
您笑說, 係, 好驚~好驚您答應~點知您真係答應左呀~XD XD
我地真係好鬼無聊~但又好鬼好笑~真係想即刻打獲佢~XD XD⋯⋯
希望未來的每一年都是開開心心簡簡單單地過~
三週年快樂呀~蝦子餅~啜啜~

週年當然要慶祝一下, 但又不想花費太多, 兩口子上網搜尋了這間意大利菜

看相片覺得很吸引就來試試看~不過都幾難搵~
相片是離開時拍的, 所以剛關燈了~

週年慶祝總覺得要吃西餐才會感覺浪漫一點
環境需不是很浪漫, 但燈光陰暗的也延舒服的~
左邊還可以坐室外園景, 大概兩張台左右

走時再拍一張, 看到室外嗎~^^~
場是不大的, 但覺得用來租場辦私人派對也不錯~

                                                                       
餐廳是我倆一起選的, 幸好餐單內的選擇也彼合胃口~

先點杯 Apple Julep (Apple Syrup, Orange Juice, Pineapple Juice and Lemon Juice)
味道太酸了, 不過飲後延開胃, 但個人不太喜歡太酸的飲料

先來剛焗好的麵包, 勁好味啊~外層脆口, 內層鬆軟, 而且是熱騰騰的~

意大利蕃茄蟹肉湯, 香濃的蕃茄湯和一絲絲的蟹肉混在一起喝~好正~
香濃的蕃茄湯完全淹蓋了蟹肉的鮮味, 但兩者混合一起口感很不錯~

蝦子餅點了牛尾蕃茄湯, 相比起我的湯, 這個湯就比較清了~
牛尾非常是軟, 入口即溶, 煮得非常入味, 鮮嫩

喜歡吃菌類所以點了「扒珍寶大啡菇伴白酒紫蘇葉」, 未上桌先聞到菇香四溢
連平時不太吃菇的蝦子餅都大讚好味

本來一心想來吃意大利飯的, 但發現有意大利雲吞又想試試
畢竟不是很多餐廳吃得到
「意式牛肝菌雲吞伴黑松露忌廉汁」十分喜歡濃郁的黑松露香氣
啖啖入口令人回味的味道, 不過略遜一籌的, 芝味不夠香濃
但整體仍是會令人想一吃再吃, 黑松露控就更加是必點之選

蝦子餅點了主菜「香燒黑毛豬柳伴蘋果玉桂汁」, 他猛讚伴菜好吃, 哈哈~~
黑毛豬柳他說都好味, 不過唔夠 Juicy



當我以為食完之際, 竟然仲有主菜「香燒牛柳伴紅酒汁」, 哈哈~~唔知佢點左~
飽到呢~~~~ 不過勁飽情況下都試下, 又幾嫩喎~ 肉汁豐腴~ 幾乎唔洗點咀嚼, 不錯~
令夏沫忍不住再吃多一舊, 而且伴菜果然好吃, 哈哈~~

點解會說是中級價錢高級享受? 價錢不算太貴, 我們也算點多了, 兩個人一千多元
不吃牛柳應該八百多元就可以了~
這裡的服務真的很像高級餐廳, 幾乎每吃一道菜都幫您換晒整套餐具
當晚人客不多, 由於樓底不高, 隔桌說什麼都幾乎聽得一清二楚
這令我也不敢說話太大聲~哈哈~~
這餐週年慶祝飯, 我們都很滿意~原來兩個人一起選餐廳感覺也不錯啊~
往年都是由他安排的~哈哈~~
要找地方慶祝或約會, 這是不錯的餐廳~

謝謝大家來看LoveCath夏沫的文章啊~^^~
Catherine (LoveCath夏沫),
電郵 love.cath@yahoo.com.hk
Facebook ~ http://www.facebook.com/cath.lovecath
Fans Page ~ http://www.facebook.com/lovecathcath

分享平台 Blog
http://cathcath.theztyle.com/ (主要)
http://lovecath.blogspot.com/
http://blog.she.com/lovecath/
http://blogazine.beautyexchange.com.hk/?140958
http://itrial.hk/person.php?uid=7790
http://beauty.qooza.hk/u/LoveCathCath
http://blogs.elle.com.hk/LoveCath/
http://www.ubeauty.com.hk/member_blog/lovecath
http://www.weshare.hk/lovecath

2016年1月15日 星期五

復古家居飾品 ♥ 大阪心齋橋隱世 Vintage Garden 進入愛麗絲夢遊仙境

復古家居飾品 ♥ 大阪心齋橋隱世 Vintage Garden 進入愛麗絲夢遊仙境
今次要同大家介紹下一間在大阪心齋橋的隱世 Vintage Garden
心齋橋真係好長好長, 幾乎整條街都係岩女仔行多過男仔
所以決定同蝦子餅分道揚鑣, 佢去道頓堀睇動漫野, 我就一個人享受購物樂
基於一個人的關係, 幾乎間間店都去睇下~
夏沫向住道頓堀的反方向行, 行到近乎心齋橋尾, 發現了這間 Vintage Garden
入面真係好靚, 好多愛麗絲夢遊仙境既兔仔呀~

大家如果有興趣可以睇住以下地圖, 向住道頓堀的反方向行, 行到近乎心齋橋尾
一條直路唔難搵的~我這個路痴都搵到, 哈哈~~

右手邊就會見到這間店, 說老實的, 如果唔係就黎聖誕節想買下飾品佈置
真係未必會受門面吸引而入去睇~

地下個層其實冇咩睇, 個日好奇上左二樓睇, 就見到呢個畫面~好似一個花園呀~

蝦子餅話我品味轉左, 以前我唔喜歡復古、懷舊既野, 但而家我覺得好靚~好有味道~

每一件擺設都好想帶返屋企

 呢幾年寫 Blog 影既相希望越黎越靚, 都會周不時搵下D擺設陪襯

就令夏沫多了個藉口買、買、買呀~XD

其實一上二樓就被我吸引的就是這隻兔仔, 真係超靚~
喜歡愛麗絲夢遊仙境的我, 一眼就看到它了~
而且牠還拿住個錶, 完全同故事一樣架~
個錶係真架, 唔係裝飾黎架~真係好靚呀~

當時一心諗住入黎睇下有咩聖誕禮物買, 結果自己睇中左
個日忍手無買, 但返到酒店好掛住隻兔仔, 差不多 HK$300~
隔離隻貓都好靚~

 除左頭先個隻愛麗絲夢遊仙境兔, 仲有呢隻, 呢隻都好靚好搶眼, 不過就冇左個錶功能

 呢隻就無咁似愛麗絲兔, 而且無顏色就不考慮啦~

呢隻有色, 不過唔似愛麗絲兔啊~但都好靚啊~喜歡兔仔既您一定會喜歡

除左兔仔仲有雀仔~

 貓頭鷹

諗左一晚, 究竟買一隻定兩隻返香港好呢~
想一隻做聖誕禮物, 一隻自己珍藏~因為行李無咩位, 就只能帶一隻回家囉~

呢張相映完覺得自己好似得到「金象獎」咁款~XD
開 Party 個晚, 一眾女士見到都話隻兔仔好靚好鍾意呀~
其實我真係好想帶晒兩隻返黎架~行李爆左, 唯有俾另一隻住係日本啦~
分享店內環境片段
大阪心齋橋隱世 Vintage Garden 進入愛麗絲夢遊仙境